2014-05-11 10:32

უკრაინის ხელისუფლებამ მარიუპოლიდან უკრაინის ძალოვნებისა და შეიარაღებული ძალების გაყვანის ბრძანება გასცა - ძალოვნებმა ქალაქი უკვე დატოვეს.

გადაწყვეტილება მას შემდეგ მიიღეს, რაც პრორუსულად განწყობილმა სეპარატისტებმა ქალაქის მოსახლეობის დიდი ნაწილის მიმხრობა მოახერხეს და ისინი უკრაინელი ძალოვნების წინააღმდეგ განაწყვეს, რასაც საპროტესტო გამოსვლები მოჰყვა.

სამოქალაქო დაპირისპირების თავიდან ასაცილებლად ოფიციალურმა კიევმა ძალოვნები მარიუპოლიდან გაიხმო.

სისხლიანი შეტაკებები მთელი ღამის განმავლობაში მიმდინარეობდა სლავიანსკში. ტერორისტებმა რამდენიმე ადმინისტრაციული შენობა დაიკავეს, დილიდან კი სატელევიზიო ანძის დაკავებას ცდილობენ.

ამ მიმართულებაზე რამდენიმე იერიში უკვე მიიტანეს, ორი უკრაინელი ძალოვანი დაიჭრა ნაღმტყორცნის ცეცხლის შედეგად, რომელიც სეპარატისტებმა ტელეანძის მიმართულებით გახსნეს.