2014-10-07 17:17

ასტროლოგები  ამბობენ, რომ ოქტომბერში ორი მნიშვნელოვანი მოვლენა გველის – ეს არის 8 ოქტომბერს მთვარის სრული დაბნელება ვერძის ზოდიაქოს ნიშანში და მზის ნაწილობრივი დაბნელება, 24 ოქტომბერს მორიელში.

ასტროლოგი სოფო მზეკალავა აცხადებს, რომ  მთვარე ქალური ენერგეტიკის მქონე მნათობია და შესაბამისად,  მთვარის დაბნელება მეტად ქალბატონებზე იმოქმედებს, ვიდრე მამაკაცებზე.

„მზის დაბნელებისას წინ უკვე ძლიერი სქესისთვის აქტუალური საკითხების გადაჭრის აუცილებლობა წამოიჭრება. მთვარის დაბნელება ყოველთვის იძლევა შანსს, რაიმე კონკრეტული მოვლენა, ურთიერთობა და საქმიანობა მივიყვანოთ საბოლოო წერტილამდე.

მით უმეტეს, რომ მოახლოებული დაბნელება ააქტიურებს წერტილებს (ვერძი-სასწორი), რაც იმას ნიშნავს, რომ ეს პერიოდი უმეტესად უკვე არსებული პირადი ურთიერთობების გარკვევა-დასრულება-ფორმირების საკითხს შეეხება.

კარგი პერიოდია საიმისოდ, რომ აქამდე გაურკვეველ, ან სულაც მტანჯველ და დამღლელ კავშირებში საბოლოოდ დავსვათ წერტილი და ეს განსაკუთრებით ქალბატონებს ეხებათ.

თუმცა არ ღირს ურთიერთობის დასრულება ჩხუბითა და კონფლიქტით.

8 ოქტომბერს მთვარე ვერძის ზოდიაქოში დაახლოებით, დღის 15.00 საათისთვის ბნელდება. მომატებული იქნება აგრესიული ფონი, კონფლიქტების ალბათობა, ასევე გაზრდილი იქნება ავტოსაგზაო შემთხვევების რისკი. ფრთხილად უნდა ვიყოთ საჭესთან, არ მოვუმატოთ სიჩქარეს!

მთვარის დაბნელება ემთხვევა გრადუსს, რომელიც ააქტიურებს კრიმინალურ სიტუაციას - ყაჩაღობას, რეკეტს...

მზის დაბნელებისას შანსი გვეძლევა, საფუძველი ჩავუყაროთ ახალ, პერსპექტიულ წამოწყებებს. განსაკუთრებით მომგებიანი  ამ მხრივ მსხვილბიუჯეტიანი ფინანსური პროექტების დაგეგმვა იქნება, მზის დაბნელება კურო-მორიელის წერტილებს ააქტიურებს.

რის ხარჯზეც აქტიურდება ფინანსების, უძრავი ქონებისა და სხვადასხვა ტიპის მატერიალური საკითხის გადაწყვეტის აუცილებლობა.

ამიტომ მოცემული პერიოდი შესაძლებელია მამაკაცებმა წარმატებული პროექტების დაწყება-დაგეგმვას დაუთმონ, ხოლო იმ შემთხვევაში, თუ თქვენ ცხოვრებაში ფულად საკითხებთან დაკავშირებული პრობლემები წარმოიქმნება, მათი გადაჭრა არ უნდა სცადოთ ე.წ. „მორიელური ტაქტიკით“ – ძალისმიერი ან ავანტურისტული გზით.

საკითხს კუროსავით მშვიდად, სამართლიანად და პატიოსნად მიუდექით, რომ სამომავლოდ დანაკარგები და გართულებები თავიდან მაქსიმალურად აიცილოთ,“ - აღნიშნა სოფო მზეკალავამ.

 ambebi.ge