2014-09-30 14:43

"აფხაზეთის ხმისთვის" ცნობილი გახდა, რომ ნიუ-იორკში, საქართველოს პრემიერმინისტრ ირაკლი ღარიბაშვილის წინააღმდეგ გამართული აქციის ერთერთი მონაწილის ძმა, მექი აბჟანდაძე სამსახურიდან დაითხოვეს.

"აფხაზეთის ხმის" ინფორმაციით, მექი აბჟანდაძე  შსს-ს აკადემიაში ლექციებს კითხულობდა, ხოლო გუშინ ხელმძღვანელობამ დაიბარა და მოსთხოვა, სამსახური დაეტოვებინა, მიზეზად კი მისი ძმის მიერ ნიუ-იორკში პრემიერ ღარიბაშვილის გინება დაასახელა. 

"აფხაზეთის ხმა" ცდილობს, აღნიშნულ ფაქტთან დაკავშირებით კომენტარი ჩაწეროს შინაგან საქმეთა სამინისტროს აკადემიის წარმომადგენლებთანაც, რომელსაც ჩაწერისთანავე გამოაქვეყნებს.