2014-08-09 10:59

ცაგერის მუნიციპალიტეტში, ძუღურის მინერალური წყლების მიმდებარე მთის ხეობაში, მაღალმთიან ზონაში შვეიცარიის 2 მოქალაქეს გზა აებნა.

ქართველმა მაშველებმა დაკარგული ტურისტების კვალს  მიაგნეს და  მაღალმთიანი ზონიდან ჩამოიყვანეს.

„მაშველები შეტყობინების მიღებისთანავე გავიდნენ საძიებო ზონაში და დაკარგული ტურისტები მდინარე ძუღურისღელეს სათავესთან იპოვეს.

ერთ-ერთი ქალბატონი თავს შეუძლოდ გრძნობდა. საგანგებო სიტუაციების მართვის დეპარტამენტის მაშველ-ინსპექტორებმა მას ადგილზევე აღმოუჩინეს პირველადი სამედიცინო დახმარება და მაღალმთიანი ზონიდან ჩამოიყვანეს.

ორივე ქალბატონი გადაყვანილია თბილისში. ამჟამად მათი ჯანმრთელობის მდგომარეობა დამაკმაყოფილებელია", - ნათქვამია შსს-ს ინფორმაციაში.