2020-04-10 15:22

"ეს არის ყველაზე ლამაზი აქსესუარი, ნებისმიერ მოდურ აქსესუარს ჯობია“ , – განაცხადა ეკონომიკის მინისტრმა. ნათია თურნავამ ქართული წარმოების პირბადე მოირგო და ასე დაიწყო ბრიფინგი .

„მიუხედავად იმისა, რომ ერთი დღეა, პირველი პარტია – 400 000 პირბადე შევიტანეთ საქართველოს სააფთიაქო ქსელებში, მოთხოვნა მართლაც დიდია. კარგია, როდესაც ადამიანებმა გააცნობიერეს, რაოდენ აუცილებელია პირადი დაცვის საშუალებების შეძენა“, – განაცხადა ეკონომიკის მინისტრმა.