2020-04-06 11:56

დღეს კლინიკიდან ორი გამოჯანმრთელებული გაეწერება - ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა ჟურნალისტებს განუცხადა.

„ამ ეტაპზე კლინიკაში გვყავს 67 პაციენტი. ინფიცირებული 51. როგორც იცით ყველაზე მძიმე პაციენტები მკურნალობენ ჩვენს კლინიკაში. 62 წლის ქალბატონის რომელიც არის მარნეულის კლასტერი, სავარაუდოდ რამდენიმე დღეში გაეწერება. ასევე 80 წლის ქალბატონი, რომელიც შემოვიდა მწვავე რესპირატორული დისტრესიით, მწვავე პნევმონიით, მწვავე სებსისით, გულის უკმარისობით, არტერიული ქიპერტენზიით. ამ ქალბატონის მდგომარეობა დინამიკაშ გაუმჯობესებული იყო, ამ დილით კი მოიხსნა მართვითი სუნთქვიდან.

დანარჩენი პაციენტების მდგომარეობა რჩება მძიმე, მაგრამ სტაბილური. რაც შეეხება ქალბატონებს, ჩვენთან რეანიმაციაში წევს 7 პაციენტი, აქედან ორის მდგომარეობა მკვეთრად გაუმჯობესებულია. ახალგაზრდა მამაკაცი 42 წლის რომლის მდგომარეობაც არის მძიმე, მაგრამ აპარატი ამ დრომდე არ დასჭირვებია. ორსული ქალბატონების დინამიკა ბოლო დღეებია უცვლელია. ასევე სტაბილურია 13 წლის ბავშვის მდგომარეობა“ - განაცხადა რატიანმა.