ვფიქრობდით, რომ 19 მარტს 41 შემთხვევა გვექნებოდა, დაახლოებით ეს გათვლა დაემთხვა.ამის შესახებ ამირან გამყრელიძემ საქართველოს პირველი არხის საინფორმაციო გამოშვებაში „მოამბე“ განაცხადა.
„მოგეხსენებათ, რომ ჯერ კიდევ ორი კვირის წინ დაავადების კონტროლის ცენტრმა მიაწოდა საქართველოს მთავრობას განვითარების რამდენიმე სცენარი. ეს არ არის ახალი ველოსიპედი, ჩვენ დავეყრდენით მრავალი ქვეყნის გამოცდილებას. მოგეხსენებათ, არსებობს მათემატიკური მოდელირების ბევრი მეთოდი, და არის, ასე ვთქვათ, მოსალოდნელი განვითარების სცენარები. გასაგებია, რომ სცენარები არასოდეს ერთი-ერთზე არ ჯდება რეალურ სიტუაციასთან ხანდახან, მაგრამ მაგალითად დღეს, ძალიან კმაყოფილი ვიყავი, თუ ადამიანი ამ დროში შეიძლება რამით კმაყოფილი იყოს, რომ ჩვენი ერთ-ერთი სცენარი, რომლითაც ჩვენ, როცა პირველი შემთხვევა 26 თებერვალს დაფიქსირდა, გათვლები გვქონდა სხვადასხვა კვირაზე. გუშინ სამი კვირა გავიდა პირველი შემთხვევიდან. ერთ-ერთ სცენარში ჩვენ გვქონდა გათვლა, რომ 19 მარტს დაგვიფიქსირდებოდა 41 შემთხვევა. გუშინ გვქონდა 40 შემთხვევა, ანუ დაახლოებით ეს გათვლა დაემთხვა. ამიტომ გვაქვს გათვლები მომავალი სამი კვირისთვისაც“,- აღნიშნა გამყრელიძემ.
