2020-03-19 23:10

თუ ვირუსს ხანძარივით გავრცელების საშუალებას მივცემთ, განსაკუთრებით კი მსოფლიოს მოწყვლად რეგიონებში, მან შესაძლოა, მილიონობით ადამიანი მოკლას, – განაცხადა გაერო-ს გენერალურმა მდივანმა, ანტონიო გუტერეშმა.

მისი თქმით, გლობალური სოლიდარობა არამხოლოდ მორალური ვალია, არამედ ყველას ინტერესშიცაა.

გაერთიანებული ერების ორგანიზაციის გენერალური მდივანი მსოფლიო ლიდერებს კორონავირუსის დასამარცხებლად თანამშრომლობისკენ მოუწოდებს.

ანტონიო გუტერეში ასევე მოუწოდებს საერთაშორისო ორგანიზაციებს, უკეთესი მხარდაჭერა აღმოუჩინონ ფინანსურად უფრო მოწყვლად, დაბალი შემოსავლის მქონე დასაქმებულებს, მცირე და საშუალო ბიზნესის წარმომადგენლებს, ვინაიდან, მისი თქმით, „გლობალური რეცესია ახლა თითქმის გარდაუვალია“.

წყარო