2020-03-18 19:03

 „ევროვიზია 2020“ როტერდამში , ევროპაში არსებული კვირიზის გამო, წელს აღარ გაიმართება. ამის შესახებ განცხადებას ევროპის მაუწყბელთა კავშირი ავრცელებს.

„დიდი მწუხარებით უნდა გაუწყოთ როტერდამში ევროვიზიის სიმღერის ფესტივალის გაუქმების შესახებ. ბოლო კვირების მანძილზე ჩვენ მრავალი ალტერნატივა განვიხილეთ, რომ კონკურსი შემდგარიყო, თუმცა COVID-19-თან არსებული გაურკვეველი ვითარების გამო, და იმ შეზღუდვების გამო, რომელიც მთავრობების მიერ იქნა მიღებული, ევროპის მაუწყებელთა კავშირმა მიიღო რთული გადაწყვეტილება, რომ შეუძლებელია ყველაფერი ისე ჩატარდეს, როგორც ჩვენ ვგეგმავდით“,- წერია განცხადებაში.