2020-03-13 19:01

საქართველოს ფეხბურთის ფედერაცია კორონავირუსთან ბრძოლაში ჩაერთო. ფეხბურთის ფედერაცია მზადაა ფულადი თანხა გამოყოს და თან საკუთარი სასტუმრო დათმოს საკარანტინო სივრცისთვის.

ფედერაციამ დღეს სოციალური ქსელით ოფიციალური განცხადება გაავრცელა.

“საქართველოს ფეხბურთის ფედერაცია მზადყოფნას გამოთქვამს გაიღოს ფინანსური მხარდაჭერა, 100 ათასი ლარის ოდენობით, რათა ხელი შეუწყოს საქართველოში COVID 19-ის სახელით ცნობილ, ახალ კორონავირუსთან ბრძოლას. ასევე, მზად ვართ ფეხბურთის ფედერაციის ბალანსზე არსებულ სასტუმროში მოვაწყოთ საკარანტინო ზონა, ქართული ფეხბურთის მმართველი ორგანო, გრძნობს ერთობისა და საზოგადოებრივი პასუხისმგებლობის მნიშვნელობას ამ კონკრეტული გამოწვევის ერთად დამარცხებაში”, – წერია განცხადებაში.