საქართველოს ჩემპიონატზე შვილის ჭიდაობის გულშემატკივრობისას მამა გარდაიცვალა.
„საქართველოს ჩემპიონატზე ახალგაზრდებს შორის ლუკა მარიამიძემ რამდენიმე შეხვედრა მოიგო და
ნახევარფინალში გავიდა, სადაც ძალიან სამწუხარო ფაქტი მოხდა. მამამისი ტრიბუნაზე გულის შეტევით გარდაიცვალა.
ლუკამ ის შეხვედრაც მოიგო. მერე მამა სახლში გადაასვენეს. მეორე დღეს ლუკას აღარ უნდა ეჭიდავა, მაგრამ
დილით დარბაზში მივიდა და გამოაცხადა, რომ აუცილებლად იჭიდავებდა.
მამამისის სულის პატივსაცემად საღამოს ხალიჩაზე გავიდა, სუფთად მოიგო და საქართველოს ჩემპიონი გახდა. მერე კი
ვეღარ გაუძლო ემოციებს.
ეს ბიჭი აქამდე ჭაბუკთა ნაკრების წევრი იყო. ახლა ახალგაზრდული ნაკრების შემადგენლობაში გაინაღდა
ადგილი. ვუსამძიმრებთ და ვულოცავთ!” – წერს საქართველოს ჭიდაობის ეროვნული ფედერაცია.
"მამაჩემის ინიციატივით შევედი ჭიდაობაზე, მამაჩემს ეს სპორტი ძალიან უყვარდა, მახსოვს ბავშვობაშიც
ვჭიდაობდით ხოლმე ერთად, ისე მზრდიდა, რომ ვაჟკაცი ვყოფილიყავი, არ დამეჩაგრა სუსტი და მეპოვა
სიყვარული"-ლუკა მარიამიძე
მამის ბოლო სიტყვები "მიდი მამა" იყო, ეს სიტყვები შეჯიბრის დროს დარბაზიდან ბოლოჯერ
გაისმა.
