2019-07-30 08:45

 ხელისუფლება მუშაობს, რომ ჩვენ გავჩუმდეთ, ჩვენ ვმუშაობთ, რომ არ გავჩუმდეთ

ამის შესახებ ტელეკომპანია “რუსთავი 2”-ის საინფორმაციო სამსახურის უფროსმა ნოდარ მელაძემ “ტვ პირველის”

გადაცემა “დღის ამბები ვახო სანაიასთან” განაცხადა.

“პირველივე დღიდანვე, რაც არხზე მოვიდა ახალი გენდირექტორი პაატა სალია, დღის განმავლობაში რამდენიმე  შეხვედრა

და თათბირიც იყოს მასთან. ეს ჩვეულებრივი სამუშაო პროცესია, რომელიც არ შეჩერებულა. დღესაც იყო პროგრამირების საბჭო

გენნერალურ დირექტორთან, სადაც ვიყავი მეც, როგორც საინფორმაციო სამსახურის უფროსი, ასევე სხვა გადაცემების

ხელმძღვანელები. შეხვედრაზე დაიგეგმა შემოდგომის ბადე, სადაც ყველა გადაცემა არის ბადეში. მათ შორის “არჩევანი”,

“პოსტკრიპტუმი”, “კვირის აქცენტები”, “ვანოს შოუ” და ყველლა ის გადაცემა, რომელიც დღემდე გადიოდა ეთერში.

დღევანდელი საბჭოს შემდეგ ყველა გადაცემა სექტემბრიდან ბადეშია. ამ მოცემულობით ვართ.

არ ვიცი ხელისუფლებას რამდენ ხანს ეყოფა ნერვები ვიყოთ ეთერში. ფაქტია და დადასტურებული

ინფორმაცია გვაქვს, რომ კრიტიკული საინფორმაციო კონტენტი ხელისუფლებისთვის დღესაც დისკომფორტია.

მათ შორის ეძებენ გზებს, როგორ შეიძლება ეს გადაწყვეტილი იყოს მათ სასარგებლოდ უმტკივნეულოდ.

ხელისუფლება მუშაობს, რომ ჩვენ გავჩუმდეთ, ჩვენ ვმუშაობთ, რომ არ გავჩუმდეთ. ვნახოთ ვინ გადაწონის –

თავისუფალი ჟურნალისტების ხმა თუ ხელისუფლების მცდელობა, რომელმაც დღემდე წარმატებით მოახერხა

რამდენიმე არხზე სარედაქციო პოლიტიკის შეცვლა”, – განაცხადა ნოდარ მელაძემ.