საგანგებო ბრიფინგზე ქიბარ ხალვაშმა ეროსი კიწმარიშვილი მხოლოდ მას შემდეგ ახსენა, რაც ჟურნალისტებმა მას და კიწმარიშვილის სხვა მეგობრებს დაუსვეს შეკითხვა, რატომ არ ახსენეს ის მთელი ერთი საათის განმავლობაში.
ჟურნალისტებმა ქიბარ ხალვაშს ეროსი კიწმარიშვილის ის განცხადება შეახსენეს, რომელიც მან "რუსთავი-2"-თან დაკავშირებით გააკეთა და განაცხადა, რომ სანამ "რუსთავი-2"-ზე ისაუბრებს, ბიძინა ივანიშვილმა მას უნდა შეხედოს თვალებში.
ქიბარ ხალვაშთან დაკავშირებით ეროსი კიწმარიშვილის მიერ გაკეთებული განცხადებების შეფასებისას ხალვაშმა განაცხადა:
"არ მინდა გარდაცვლილ ადამიანზე საუბარი, სწორედ ეს არ მინდოდა, მაგრამ ეროსი ყოველთვის იმას არ ლაპარაკობდა, რაც სიმართლე იყო, რა... ანუ, როგორც სიტუაციას ერგებოდა, ისე ამბობდა ხოლმე", - განაცხადა ქიბარ ხალვაშმა და დაამატა, რომ ეროსი კიწმარიშვილთან კარგა ხანს მეგობრობდა.