უკრაინის ყოფილი პრემიერმინისტრი „რუსთავი 2“-ს სოლიდარობას უცხადებს და მზად არის დაეხმაროს არხს. მისი თქმით, „რუსთავი 2“-ის გამარჯვება ნიშნავს, რომ საქართველოში თავისუფლება და სიმართლე გაიმარჯვებს.
„ჩვენთვის „რუსთავი 2“ არის თავისუფლებისა და უკრაინის მხარდაჭერის სიმბოლო და ყველაფერი იმ საუკეთესოს სიმბოლო, რაც ჩვენი ქვეყნის ურთიერთობებშია. ძალიან გვიყვარხართ და მიგვაჩნია, რომ თავისუფალი ქვეყანა უნდა ამაყობდეს ისეთი არხით როგორიც „რუსთავი 2“-ია. ჩვენთვის გაუგებარია, რატომ მიდის შეტევა „რუსთავი 2“-ზე, როდესაც ასეთი ავტორიტეტი და რეიტინგი გააჩნია.
ეს ჩვენთვის სრულიად მიუღებელია. ღიად ვაცხადებ, რომ თქვენს გვერდით ვარ და ყველანაირად დაგიჭერთ მხარს. ჩვენი სურვილია ამ ბრძოლაში გამარჯვებული გიხილოთ. „რუსთავი 2“-ის გამარჯვება ნიშნავს, რომ საქართველოში თავისუფლება და სიმართლე გაიმარჯვებს. გამარჯვებას გისურვებთ,”- აცხადებს უკრაინის ყოფილი პრემიერმინისტრი იულია ტიმოშენკო. ტელეკომპანიის შესახებ განცხადებები გააკეთეს ევროპელმა დიპლომატებმაც. მათ მიაჩნიათ, რომ თავისუფალ მედიასაშუალებასთან დაპირისპირება არასწორია და დემოკრატიულ პრინციპებს ეწინააღმდეგება.
რუსთავი 2