2015-10-24 12:27

შსს-მ ოპერატიული სამძებრო ღონისძიებების საფუძველზე სისხლის სამართლის კოდექსის 315 მუხლის პირველი ნაწილით საქმე აღძრა, რაც გულისხმობს შეთქმულებას სახელწმიფო ხელისუფლების დასამხობად ან ხელში ჩასაგდებად.

მოქალაქეების უსაფრთხოებიდან გამომდინარე შსს-ს განსაკუთრებულ ზომებს მიმართავს. ამის შესახებ დღეს განცხადება შინაგან საქმეთა სამინისტროს საზოგადოებასთან ურთიერთობის დეპარტამენტის დირექტორმა გააკეთა.

„შსს იღებს განსაკუთრებულ ზომას, რომლის თანახმად რუსთავი 2-ის მიმდებარე ტერიტორიაზე დამონტაჟდება მეთვალყურეობის კამერები, რომელთა საშუალებითაც მთელი პერიმეტრის 24 საათიანი მონიტორინგი მოხდება. ამასთან აღნიშნულ ტერიტორიაზე მუდმივად იმორიგევებენ საპატრულო ეკიპაჟები, რათა უზრუნველვყოთ მოქალაქეების უსაფრთხოება და თვიდან ავირიდოთ მოსალოდნელი პროვოკაციები,“ - აცხადებს თეა პერტაია.