-
2015-10-16 23:36
დღეს თბილისში, ოპერის წინ მდებარე ღობეზე და ბოძებზე "გაზპრომთან" მიმდინარე მოლაპარაკებების საწინააღმდეგო პოსტერების გაკვრისთვის დაკავებული თამარ ჩერგოლეიშვილი, რომელიც სხვა ორ დაკავებულთან ერთად რესვე გაათავისუფლეს, აპირებს, შსს-ს უკანონო დაკავების გამო უჩივლოს.
როგორც რამდენიმე არასამთავრობო ორგანიზაცია მიიჩნევს, შსს-მ უნდა დაამტკიცოს, რომ მოცემულ სიტუაციაში დაკავება ერთადერთი აუცილებელი პირობა იყო. ამასთან, ისინი შერჩევითი მართლმსაჯულების არსებობაზეც მიანიშნებენ, იმის გამო, რომ ღობეზე სხავადასხვა სახის სარეკლამო შინაარსის პოსტერების გაკვრისთვის არავინ დაუკავებიათ.
როგორც ცნობილია, თამარ ჩერგოლეიშვილი, ლექსო მაჭავარიანი და ერთი მოხალისე სტუდენტი ადმინისტრაციული კოდექსის 150-ე მუხლის დარღვევის გამო დააკავეს, რომელიც 2009 წლიდან ასეა ფორმულირებული:
"მუხლი 150. თვითმმართველი ერთეულის იერსახის დამახინჯება:
1. სხვადასხვა სახის წარწერების, ნახატების, სიმბოლოების თვითნებური შესრულება შენობათა ფასადებზე, ვიტრინებზე, ღობეებზე, სვეტებზე, ხე-ნარგავებზე, ასევე პლაკატების, ლოზუნგების, ბანერების განთავსება ისეთ ადგილებზე, რომლებიც საამისოდ არ არის გამოყოფილი, ღობეებისა და შენობების შეუღებავად მიტოვება, – გამოიწვევს დაჯარიმებას 50 ლარის ოდენობით."