"ლიბერალის" ინფორმაციით, 2016 წლის ბიუჯეტის პროექტში საქართველოს საპატრიარქოსთვის ისევ 25 000 000 ლარია გათვალისწინებული, ხოლო საპატრიარქოს დაქვემდებარებული დაწესებულებებისთვის - დამატებით 21 მილიონ ლარზე მეტი.
საპატრიარქოსა და მასზე დაქვემდებარებული დაწესებულებებისთვის სხვა მიზნებისთვის გამოყოფილი თანხა:
საქართველოს საპატრიარქოს ტელევიზიის სუბსიდირების ღონისძიებები - 800 000 ლარი;
სასულიერო განათლების ხელშეწყობის გრანტი - 14 683 000 ლარი;
ა(ა)იპ საქართველოს საპატრიარქოს წმიდა სვიმონ კანანელის სახელობის სასულიერო სწავლების ცენტრი - 150 000 ლარი;
საქართველოს საპატრიარქოს წმიდა ნინოს სახელობის ობოლ, უპატრონო და მზრუნველობამოკლებულ ბავშვთა პანსიონატისათვის გადასაცემი გრანტი - 959 000 ლარი;
საქართველოს საპატრიარქოს ბათუმის წმინდა მოწამე ეკატერინეს სახელობის სათნოების სავანისათვის გადასაცემი გრანტი - 261 000 ლარი;
საქართველოს საპატრიარქოს წმინდა ანდრია პირველწოდებულის სახელობის სასულიერო სწავლების ცენტრისათვის გადასაცემი გრანტი - 447 000 ლარი;
საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტისათვის გადასაცემი გრანტი - 2 000 000 ლარი;
საქართველოს საპატრიარქოს ა(ა)იპ – ტბელ აბუსერისძის სახელობის უნივერსიტეტისათვის გადასაცემი გრანტი - 2 449 000 ლარი;
შესაბამისდ, საპატრიარქოსთვის გამოყოფილი 25 000 000 ლარის გარდა, მასზე დაქვემდებარებული დაწესებულებებისთვის ჯამში 21 749 000 ლარია გათვალისწინებული.
ამასთან, აღნიშნულ 21 749 000 ლარში არ შედის დაცვის პოლიციის დეპარტამენტისთვის გამოყოფილი თანხა, რომლის ფარგლებშიც ეროვნული საგანძურის, დიპლომატიური წარმომადგენლობებისა და საპატრიარქოს დაცვის უსაფრთხოების დონის ამაღლებისთვის 9 713 000 ლარია გამოყოფილი.
