2015-08-12 22:19

სამაუწყებლო კომპანია "რუსთავი-2" მორიგ კონცერტს ზუგდიდში, 29 ან 30 აგვისტოს გამართავს. წერილი ადგილობრივ ხელისუფლებას უკვე გაუგზავნა ნიკა გვარამიამ. მათგან უარის შემთხვევაში, კომპანია თარიღს თავად შეარჩევს, ადგილი კი უცვლელი დარჩება. 

კანონმდებლობის მიხედვით, თუ შეკრება არ ითვალისწინებს მანქანების სავალი გზის გადაკეტვას, შეკრების ორგანიზატორს მხოლოდ ხელისუფლების დაუწყება ევალება და არა მათგან ნებართვის აღება. წინასწარი ინფორმაციითა და ზუგდიდის მერიის, გამგეობის, სამეგრელო-ზემო სვანეთის ადმინისტრაციიდან გამოთხოვილი დოკუმენტების მიხედვით, არც 29 და არც 30 აგვისტოს ზუგდიდში, ყინულის სახლის მიმდებარე ტერიტორიაზე, ახალ პარკში, მასობრივი ღონისძიება გათვალისწინებული არ არის.

შეგახსენებთ, "რუსთავი-2"-მა საქართველოს რეგიონებში გასვლითი კონცერტების ჩატარება დაიწყო, რასაც, თავდაპირველად, წინააღმდეგობა ხვდებოდა ადგილობრივი ხელისუფლების მხრიდან, თუმცა, საზოგადოების მხრიდან მწვავე რეაქციის შემდეგ სიტუაცია შეიცვალა. ბოლო კონცერტი "რუსთავი-2"-მა ბათუმში ჩაატარა.