ევროპის ახალგაზრდული ოლიმპიური ფესტივალის საორგანიზაციო კომიტეტის ხელმძღვანელი ალექსანდრე ახვლედიანი ოლიმპიური კომიტეტის ალმის უკუღმა აღმართვას წვრილმანს უწოდებს და განმარტავს, რომ შეცდომა საპატიო ყარაულს მოუვიდა. რაც შეეხება პრეზიდენტის არყოფნას გახსნის ცერემონიალზე, ახვლედიანის თქმით, ამის განმარტებისთვის კომპეტენტური არ არის.
"არ ვარ კომპეტენტური იყო თუ არა ოფიციალური მოწვევა, შემიძლია დაგიდასტუროთ ის რომ რამოდენიმე საათში მე, ოლიმპიური კომიტეტის პრეზიდენტსა და ევროპის ოლიმპიური კომიტეტის პრეზიდენტს გვაქვს შეხვედრა საქართველოს პრეზიდენტთან, ცეცხლი უნდა ანთებულიყო იქ და აინთო ზუსტად იმ დროს, როცა უნდა ანთებულიყო, რაც შეეხება დროშას, საპატიო ყარაულს მოუვიდა მცირედი შეცდომა და მსგავს მასშტაბურ ღონისძიებებს ესეთი წვრილმანი რაღაცეები თან ახლავს",-განაცხადა ახვლედიანმა.