-
2015-04-16 17:42
შსს-ს სპეცდანიშნულების რაზმის ყოფილ უფროსს კახა ნაკანს, რომელმაც გლდანის ციხეში, სამარტოო საკანში მარცხენა ხელზე ვენები გადაიჭრა, 13 ნაკერი დაადეს.
როგორც ნაკანის ადვოკატი ამბობს, ნაკანი ზედამხედველებმა დროულად შეამჩნიეს და ციხის სამკურნალო დაწესებულებაში გადაიყვანეს, სადაც მას გადაუდებელი დახმარება ჩაუტარდა და მის სიცოცხლეს საფრთხე აღარ ემუქრება. ნაკანმა მკლავი წვერის გასაპარსი სამართებლით გადაისერა.
ადვოკატის განცხადებით, კახა ნაკანი თავს უკანონო პატიმრად მიიჩნევს და ამის გარდა, მისი არაერთგზის მოთხოვნის მიუხედავად, ის არ გადაჰყავთ ე.წ. მატროსოვის ციხეში, სადაც სასჯელს ყოფილი ხელისუფლების წარმომადგენლები და სამართალდამცველი სტრუქტურების ყოფილი თანამშრომლები იხდიან.