2015-01-29 14:23

ნათქვამია, კახელი თუ გააფერისტდა, ვერც გურული აჯობებს და ვერც მეგრელიო.

სწორედ ასეა ეკატერინე ყუშიტაშვილის საქმეც, ეს თელაველი გოგო ისე „გასვეცკდა“, ლამის თავზე დაიმხო მთელი პოლიცია.

„როგორც ამბობენ, ეკა 24 წლისაა და ჰყავს ერთი ქალიშვილი. რაღა დაგიმალოთ და საერთოდ არ ჰგავს 24 წლის „გოგოშკას“, სადღაც 30 წლამდე უნდა იყოს.

ტიპი სოციალურ ქსელში წერს, „მებლატავება“ და „ვბლატაობო“, თუ პატრულმა გაგაჩეროთ ვინმე, ჩემი სახელი უხსენეთო.

ქალბატონი ეკატერინე მთელ რესპუბლიკას „აღადავებს“ და„ფეისბუკის“ საკუთარ გვერდზე წერს: „რატომ ავარდით?! თქვენზე მაგარი ტიპი გამოვდივარ!!! მე, ეკა ყუშიტაშვილი, გაინტერესებთ! მთელი ,,გოროდი“ აგალაპარაკეთ, აგაქოთქოთეთ!!! ჩემო ჭკვიანო ხალხო, კრიტიკოსებო და გამკიცხავნო, გმადლობთ, რომ მაპიარებთ, შავი პიარისთვისაც მადლობაააა!

ბრძენნო, რჩევისთვის, ჯერ უნდა გაერკვეთ, რა მოხდა და როგორ?! დაგაგოიმეთ! უსაქმურ ქალაქელებს შეემატა ახალი თემა - თელაველი გამპრავებელი, ბოზი ეკა ყუშიტაშვილი. ჩემზე ლაპარაკს, სტატუსებისა და სტატიების წერას არ სჯობს, წიგნი წაიკითხოთ, განათლდეთ, რამე საინტერესო ინფორმაცია მიაწოდოთ თქვენ პატარა, დეგრადირებულ ტვინუკებს?! მაგრამ არა, ჩემს ქალაქში ყველაფერი მოსულა, აქ ჯამლეტამ ჯონდო დააორსულა!!! პატივისცემით, მადე ინ ტელავი“.

უყურეთ თქვენ, ეკატერინე განათლებასაც „აწვება“, თქვენი პატარა ტვინუკები გაანძრიეთ და წიგნები წაიკითხეთო. ეკა იმასაც ამბობს, თბილისის სახელმწიფო უნივერსიტეტი დავამთავრე, ბაკალავრიატი, ახლა ილიას უნივერსიტეტში ვსწავლობ, მაგისტრატურაში და მიუნხენის უმაღლესი სასწავლებლებიც არ არის ჩემთვის უცხოო.

ა, ქალი, უკვე წაუკითხავს ყველა წიგნი და ჩვენ რაღა წავიკითხოთ? როგორც ჩანს, ეკატერინეს „საზოგადოებათმცოდნეობის“ კურსი გამორჩა, სადაც კლასობრივ ბრძოლებზეა საუბარი. ესე იგი, ნახეთ, ყუშიტაშვილმა იმდენსმიაღწია, მთელი ქვეყნიერება დააგოიმა.

გაიხარე, ერო, წამებულო! ავი ენები ამბობენ, ეკატერინე დავით ცინარიძეს იცნობს კი არა, მისი ცოლის დეიდაშვილიაო. ასეთი ნათესავი ჩემიცა და სხვისიც...

კაცს კინაღამ თანამდებობა დააკარგვინა. მთელი ეს ისტორია სასაცილოა, მაგრამ საყურადღებო“, - წერს „ალია“.