-
2015-01-16 21:55
ბოლო დღეების განმავლობაში რამდენიმე პირმა, რომლებიც "თავისუფალ უნივერსიტეტში" კახა ბენდუქიძის მთავარ დასაყრდენებად და რჩეულებად ითვლებოდნენ, ზედიზედ განაცხადეს, რომ ახალ სამსახურს ეძებენ.
ნათია სამუშია და ირაკლი აფხაძე კახა ბენდუქიძისადმი არამარტო პატივისცემით გამოირჩეოდნენ, არამედ ცნობილია, რომ აწ გარდაცვლილი უნივერსიტეტის დამფუძნებელი და საქართველოს ნომერ პირველი რეფორმატორი მათზე დიდ იმედებსაც ამყარებდა.
დღეს "ფეისბუქში" ორივე წერს, რომ "თავისუფალი უნივერსიტეტი" მზადაა, კურსი შეიცვალოს, ისინი კი კახა ბენდუქიძის იდეების წინააღმდეგ არ წავლენ და ამაში მონაწილეობას არ მიიღებენ. ამასთან, ირაკლი აფხაძე წერს, რომ ბრძოლის ველის დატოვება ომის წაგებას არ ნიშნავს.
"აფხაზეთის ხმის" ინფორმაციით, "თავისუფალ უნივერსიტეტში" კახა ბენდუქიძის დის ნუნუ ბენდუქიძის მიერ წარდგენილ, კახა ბენდუქიძის მეგობარს რეზო ვაშაკიძეს ვერ ეგუებიან. "თავისუფალი უნივერსიტეტის" "კახას ფრთის" პერსონალი ვარაუდობს, რომ აგრარული უნივერსიტეტის ქონების, კერძოდ მიწების გაყიდვა ან სახელმწიფოსთვის ჩუქებაა დაგეგმილი.
ჩვენი არხებით შევიტყვეთ ასევე, რომ ფორმალურ შვებულებაში გავიდნენ კახა ბენდუქიძის თანამოაზრეებიც, რათა მონაწილეობა არ მიიღონ კახა ბენდუქიძის იდეების საწინააღმდეგო გეგმების შედგენაში.
რაც შეეხება ირაკლი აფხაძეს, ის წერს:
"გახსნილი ვარ სამსახურთან დაკავშირებული შემოთავაზებებისთვის! უნივერსიტეტებში აქვთ მცდელობა რადიკალურად შეცვალონ კურსი.
ხალხი ვისაც კახა "ჩაქუჩს ურტყამდა თავში", ლამისაა გადაწყვეტილების მიმღებებად გვევლინებიან. ეს პრობლემა არ იქნებოდა, თუმცა არანაირი გარანტია არ მაქვს, რომ უყვართ ან უნივერსიტეტები, ან კახა, ან სტუდენტები, ან კახას იდეები, ან ზრუნავენ მომავალ თაობაზე, ან აქვთ კეთილი ზრახვები... !!!პირიქით!!! (გარიგებულები არიან მთავრობასთან - ბბ-სთან)
ეს ბრძოლა მიმდინარეობს ორი კვირაა, არ იფიქროთ უნივერსიტეტის წინააღმდეგ ვმოქმედებ ამ განცხადებით. ჩემი და უფრო, ჩემი მეგობრების ბევრი შრომის და ოფლის შედეგია ბოლო დროინდელი წარმატებები, ამ ინერციას უნივერსიტეტი კიდევ დიდხანს არ დაკარგავს. უბრალოდ არ მინდა ამ ტემპების შენელება ჩემი ხელით გააკეთონ - ამის მონაწილე ვიყო.
მთავარი - ბრძოლის ველის დატოვება, არ ნიშნავს ომის წაგებას!!!
კახა ხშირად ამბობდა - ამათ ბოლოს მაინც დედას მოვუ****თო!
მოღალატეებო, გეშინოდეთ კახასი!..;
ნათია სამუშია, რომელმაც ასევე, უარი თქვა სამსახურზე, ერთერთ კომენტარად თავის კედელზე წერს:
"მე უფრო თავისუფალი რომ ვიყო კახას იდეებისთვის ბრძოლაში , ამიტომ ვიღებ ამ გადაწყვეტილებას. მე არ ავიღებ ხელფასს კახას იდეების წინააღმდეგ მიმართული ბრძანებების შესრულებაში! მირჩევნია ვიყო უმუშევარი სესხით და გავყიდო ბინა. ყველაფერს გადავიტან , მაგრამ არასდროს დავთმობ ბრძოლას კახას იდეებისათვის..."