2014-12-17 14:17

ჩხოროწყუს მუნიციპალიტეტის გამგეობაში სამეგრელო-ზემო სვანეთის მხარის საოლქო პროკურატურა შევიდა. ამის შესახებ საინფორმაციო სააგენტო smo.ge-ს საუთარმა წყარომ აცნობა.

ჯერჯერობით გაურკვეველია თუ რა საქმეებით ინტერესდება ოლქის პროკურატურა, თუმცა წყაროს თქმით  პროკურატურის მიერ გატანილ საქმეებში ტენდერების გამოცხადებისა და მასთან დაკავშირებული საკითხები ფიგურირებს.

მოპოვებული ინფორმაციის თანახმად პროკურატურამ ჩხოროწყუს გამგეობის მიერ ჩატარებული ტენდერები, ფირმებთან დადებული ხელშეკრულებები, ბიუჯეტის ხარჯვითი ნაწილი და გამგეობის მიერ წარმოებული ყველა საფინანსო დოკუმენტაცია გაიტანა.

აღნიშნულ ინფორმაციასთან დაკავშირებით ოფიციალური კომენტარები არ კეთდება. შეგახსენებთ, ოპოზიცია შს მინისტრის მოადგილეს ლევან იზორიას ხშირადვ უყენებდა ბრალად, რომ მან ჩხოროწყუს გამგეობაში თავისი ნათესავები დაასაქმა.