2014-12-16 15:43

როგორც თავად ირაკლი მაისურაძეს აცხადებს, მუშაობა ჯერ არ დაუწყია, თუმცა ადამიანის უფლებათა დაცვისა და სამოქალაქო ინტეგრაციის კომიტეტში  მისი დანიშვნის შემთხვევაში, პროფესიიდან გამომდინარე, შესაბამის პოზიციაზე დასაქმდება.

„ambebi.ge“ წერს, რომ პარლამენტის ადამიანის უფლებათა დაცვის აპარატის კომიტეტი  ეკა ბესელიას მისვლის შემდეგ - 2012 წლიდან დღემდე, თანამშრომელთა უმრავლესობამ დატოვა.

როგორც საპარლამენტო კულუარებში ამბობენ, აღნიშნულის მიზეზად თანამშრომლების მიმართ გამომჟღავნებული უარყოფითი დამოკიდებულება, სტრესული გარემო, მძიმე სამუშაო გრაფიკი, დარღვეული შრომითი უფლებები სახელდება.

პარლამენტში იმასაც ამბობენ, რომ ადამიანის უფლებათა კომიტეტის მოქმედმა თავმჯდომარემ ბოლო ორი წლის განმავლობაში რამდენიმე პირადი მძღოლიც შეიცვალა. საუბარია დაახლოებით 10 მძღოლზე.