2014-12-10 13:50

როგორც რუსული „ფლეიბოის“ ქართველი მოდელი თამუნა ვაშალომიძე აცხადებს, ოჯახი მისთვის ძალიან რთული თემაა.

„ჩვეულებრივი ბავშვობა მქონდა, ალბათ ისეთი, როგორც ყველას, ერთი განსხვავებით, ძალიან მაკლდა დედის სითბო და სიყვარული, ბებია მზრდიდა...

ჩემს მეგობრებსაც ვეუბნებოდი ნახე დადგება დღე, როცა პოპულარული გავხდები და დედა ხმაურით გამოჩნდება-მეთქი. მეგონა ეს მაშინ მოხდებოდა, როცა „ფლეიბოის“ ჟურნალს ჩამოვიტანდი საქართველოში და ტელევიზიებში პრეზენტაცია გაკეთდებოდა, მაგრამ სამწუხაროდ ნაადრევად მოუვიდა...

კარგად ვიცნობ, შეგუებული ვარ მის უარყოფით დამოკიდებულებას ჩემს მიმართ. ამიტომაც არ მაქვს მასთან კონტაქტი დიდი ხანია. უბრალოდ ძალიან საწყენია, როდესაც დედა იძახის შვილზე ანტიქრისტეაო.

8 წელია მარტო ვცხოვრობ. ბევრჯერ ვცდილობდი კონფლიქტური სიტუაცია ამერიდებინა თავიდან, მაგრამ ვერა და ვერა. რაც ციხიდან გამოვიდა, საერთოდ არ მქონია მასთან კონტაქტი და ახლა ისევ გამოჩნდა.

ციხეში მე ჩავსვი, მე ვუჩივლე, ბებიას გამო, სცემდა ბებიას, მეც სიტყვიერ შეურაცხყოფას მაყენებდა. შევიტანე სარჩელი, მოსამართლემ გაფრთხილება მისცა, არ უნდა შეგვხებოდა, მაგრამ მაინც იგივე გააკეთა. სხვა გზა არ მქონდა, ისევ ვუჩივლე და 12 დღით ჩასვეს.

ბებიაზე კი ვგიჟდები, ძალიან მიყვარს, მისი სიყვარული მაცოცხლებს, რადგან სწორედ მან გამზარდა, ექვს წლამდე თელავში, მერე გავიცანი დედა. თვითონ როგორც ამბობს ჩამოვდიოდიო, მაგრამ მე არ მახსოვს.

ბებია ახლა საკუთარ სახლში არ ცხოვრობს, მომვლელთან არის, დედას დავუთმეთ ორივე სახლი, იყოს, მშვიდად და წყნარად და არ შეგვაწუხოს მე და ბებია...“ - აღნიშნა „ნიუპოსტთან“ ინტერვიუში თამუნა ვაშალომიძემ.