„ნიუპოსტის“ წყაროს ცნობით, რკინიგზაში მოუშავე ადამიანების გარკვეულ ნაწილზე, რომლებმაც ვერ მოახერხეს გაფიცვაში მონაწილეობა, პოლიციისა და უშიშროების თანამშრომლების მხრიდან ზეწოლა ხორციელდება.
წყაროსვე ცნობით, სამტრედიის დეპოს თანამშრომლებს ისინი გაფიცვაში მონაწილეობის უფლებას არ აძლევენ.
აქციის მონაწილეები მეცამეტე ხელფასის მიღებას, სახელფასო სქემის გადახედვას და ტესტირების სისტემის გაუქმებას ითხოვენ. მათი თქმით, აუცილებელია, რომ ხელფასის გაცემის დროს სტაჟი და დამსახურება იყოს გათვალისწინებული.
წყაროს ცნობით, რამდენიმე დღის წინ სამტრედიაში ჩასული დაჩი ცაგურია გაფიცულ თანამშრომლებს სასაუბროდაც არ გაუჩერდა. ,,დაჩი ცაგურია, რომელიც წარმოშობით სამტრედიელია, აქ ჩამოსული, თავის ზონდერებთან ერთად დადის, სამტრედიის ნახალოვკის ე.წ. ძველი ბიჭების თანხლებით.
თანამშრომლებს სალაპარაკოდაც არ დაუდგა. დღეს რკინიგზის დეპარტამენტს პატრონი არ ჰყავს, მისი თანამშრომლების ბედს დაჩი ცაგურია და მელორ ვაჩნაძე წყვეტენ, რომლებიც ხალხს ემუქრებიან. რა საერთო აქვს ვაჩნაძეს რკინიგზის დეპარტამენტთა, ყველამ იცის ესენი ვინც არიან.“ - განუცხადა ,,ნიუპოსტს“ ადგილობრივმა წყარომ.
