2014-11-17 20:00

„პედაგოგთა საკოორდინაციო ცენტრის“ ხელმძღვანელის დავით ფერაძის ინფორმაციით, განათლების სამინისტროს ყველა თანამშრომელზე კვარტალური პრემია 830-დან 1475 ლარამდეა გაცემული.

მისივე ცნობით, განათლების მინისტრ თამარ სანიკიძის ყოველთვიური ხელფასი დანამატისა და პრემიის ჩათვლით, სულ 12500 ლარს შეადგენს.

ფერაძემ ეს განცხადება გაზეთ „ქრონიკასთან“ საუბრისას გააკეთა.

„იმ ფონზე, როდესაც საჯარო სკოლის მასწავლებელთა საბაზო ხელფასი 305 ლარია და სექტემბრიდან მხოლოდ 50-ლარიანი მატებაა დაგეგმილი, საქართველოს განთლებისა და მეცნიერების სამინისტროს თანამშრომელთა შრომითი ანაზღაურება ასე გამოიყურება: მინისტრი, თამარ სანიკიძე 3540, პლუს 2710, პლუს პრემია 6250, სულ 12500. მინისტრის მოადგილე, ქეთევან ნატრიაშვილი - 2950 ლარი. მინისტრის მოადგილეები: ლია გიგაური -2720 ლარი, გიორგი შარვაშიძე - 2720 ლარი, თამაზ მარსაგიშვილი -2856 ლარი“- განაცხადა ფერაძემ.

newspress.ge