2014-05-07 01:40

უკვე ცნობილია იმ ათ ფინალისტი ქვეყნის სია, რომლებიც დანიაში მიმდინარე „ევროვიზია-2014“-ის პირველი ნახევარფინალის შემდეგ გახდა ცნობილი.

შეგახსენებთ, რომ ფინალში უკონკურსოდ გავიდნენ დიდი ბრიტანეთის, ესპანეთის, გერმანიის, იტალიის, საფრანგეთის წარმომადგენლები, პლუს დანია, როგორც შარშანდელი გამარჯვებული.

ნახევარფინალში 16 ქვეყანა იყო წარმოდგენილი, მათგან ფინალში ათი გავიდა. ფინალისტი ქვეყნების ჩამონათვალი ასე გამოიყურება:

ჩერნოგორია, უნგრეთი, რუსეთი, სომხეთი, აზერბაიჯანი, სან-მარინო, უკრაინა, შვედეთი, ჰოლანდია, ისლანდია.

საქართველო „ევროვიზია-2014“-ზე The Shin & მარიკომ წარსდგება სიმღერით, რომელიც სტატიას თან ერთვის. საქართველო სხვა ნახევარფინალისტებთან ერთად "ევროვიზია-2014"-ზე 8 მაისს წარსდგება.