2014-11-05 17:19

მიხეილ სააკაშვილი ირაკლი ალასანიასთან დაკავშირებულ მოვლენებს ეხმაურება. მისი თქმით, ის რაც ახლა ხდება, გასაკვირი სულაც არ არის.

„შარშან საპატრიარქოში შეხვედრისას ბიძინა ივანიშვილმა რამდენჯერმე გამიმეორა, რომ დაიჭერდა მერაბიშვილს, უგულავას და პრეზიდენტობის ვადის ამოწურვის შემდეგ მეც.

იქვე მოაყოლა, რომ ირაკლი ალასანიას ჯერ ცოტა ფულს გააკეთებინებდა და შემდეგ კორუფციაზე დაიჭერდა.

ამავე შეხვედრაზე ახსენა, რომ შემდეგი „რუსთავი 2“-ის კონტროლქვეშ აყვანა იქნებოდა. ერთ-ერთი რაც ამ შეხვედრიდან ყველაზე ცუდად დამამახსოვრდა იყო ის, რომ ის მუდმივად მიმეორებდა, რომ თუ ჩემთვის საქართველო სახელმწიფო იყო, მისთვის ის უბრალოდ სამშობლოა.

ამ ფრაზიდან მხოლოდ ერთი აზრის გამოტანა შეიძლება - ის ემტერება სახელმწიფო ინსტიტუტებს და ბოლომდე წავა მათ ჩამოსაშლელად... თუ არ შევაჩერეთ"- აცხადებს მიხეილ სააკაშვილი.