უკრაინის პოლიციის მეირ გავრცელებული ინფორმაციის თანახმად, ლვოვის პოლიციამ გამოძიება დაიწყო სახელმწიფო საზღვრის უკანონოდ გადაკვეთის ფაქტზე, მასობრივი არეულობისა და დაუმორჩილებლობის ნიშნების დამატებით, რაც 5-დან 8 წლამდე თავისუფლების აღკვეთას ითვალისწინებს.
უკრაინის პოლიციის ინფორმაციით, საზღვარზე მასობრივი არეულობის შედეგად პოლიციის 11 თანამშრომელია დაშავებული. ამასთან, ძალოვან უწყებაში განმარტავენ, რომ „სისხლის სამართლის კოდექსის“ 332-ე მუხლის გარდა, რაც სახელმწიფო საზღვარზე პირების უკანონოდ გადაყვანას გულისხმობს, გუშინდელი მოვლენები ასევე „სისხლის სამართლის კოდექსის“ 348-ე მუხლის დანაშაულის ნიშნებსაც შეიცავს.
ამავე დროს საქართველოს მესამე პრეზიდენტი მიხეილ სააკაშვილი, რომელიც ღამე ლვოვში იმყოფებოდა, აცხადებს, რომ დაიცავს იმ პირებს, ვის წინააღმდეგაც საზღვრის უკანონოდ გადაკვეთის გამო გამოძიება დაიწყება.
