კონსტიტუცია რომ ჩემს თავზე მომერგო პრეზიდენტის არჩევნებს გავაუქმებდი-ეს განცხადება სააკაშვილმა საკონსტიტუციო ცვლილებებზე საუბრისას გადაცემა არჩევანში გააკეთა.
მან 2012 წლის საპარლამენტო არჩევნებზე ისაუბრა და ქართული ოცნების ლიდერების ბრალდებებს უპასუხა. სააკაშვილი ამბობს, რომ ,,ქართულმა ოცნებამ" 2012 წლის არჩევნები რუსული სცენარით და დაფინანსებით მოიგო, თუმცა მისივე თქმით, ნაციონალური მოძრაობა არ მოიქცა ივანიშვილის გუნდივით და მოსახლეობას მისცა არჩევანის საშუალება.
ექსპრეზიდენტი აცხადებს, რომ დღეს არსებული ვითარების გატვალისწინებით საკუთარი სურვილით და არჩევნების გზით არ გადააბარებს ხელისუფლებას სხვა პოლიტიკურ ძალას, როგორც ეს მოხდა 2012 წელს და ამის დასტური ის საკონსტიტუციო ცვლილებებია, რომელიც დღეს ხორციელდება.
,,მე არ ვარ ივანიშვილი, რაც მან გააკეთა არასდროს ვიკადრებდი.ჩვენ მივეცით არჩევანის საშუალება ხალხს... ივანიშვილი არასოდეს გადააბარებს ხელისუფლებას როგორც ეს ჩვენ გავაკეთეთ. ახლა არის დაღმასვლის პერიოდი და აუცილებლად დაიწყება აღმასვლა. ქართველმა ხალხმა მიიღო კარგი გამოცდილება "-აცხადებს სააკაშვილი.