-
2017-07-11 23:09
საქართველოს მესამე პრეზიდენტმა მიხეილ სააკაშვილმა „არჩევანში“ განაცხადა, რომ საქართველოს პრემიერმინისტრი გიორგი კვირიკაშვილი აშშ-ის პრეზიდენტმა მაგიდის კუთხეში ააყუდა, ხელისუფლებამ კი ეს წარმატებად მიიჩნია.
„სახელიც კი არ მახსოვს პრემიერმინისტრის, იმდენად უმნიშვნელო ფიგურაა. რა იყო წარმატება? ის, რომ ტრამპი ორი წუთით შეხვდა კვირიკაშვილს და მაგიდის კიდესთან ააყუდა? რა თქმა უნდა, სხვანაირად ვერ მოხდებოდა, რადგან კაცის კაცი ვინაა, ყველამ იცის“,
- აღნიშნა მიხეილ სააკაშვილმა და დაამატა, რომ მისი პრეზიდენტობის დროს მას მრავალსაათიანი შეხვედრები ჰქონდა აშშ-ის პრეზიდენტებთან და 2008 წელს, როცა საქართველოს სახელმწიფოებრიობა საფრთხის წინაშე იდგა, აშშ-ის პრეზიდენტს ტელეფონში დაუყვირა კიდეც:
„ვუყვირე ბუშს... რა არჩევანი მქონდა? ჩემი ქვეყანა იღუპებოდა... ხანდახან ესეც ჭრის, ესეც საჭიროა“, - განაცხადა მიხეილ სააკაშვილმა „არჩევანში“.