2017-07-06 12:16

არანაირი მილიონი ხე ქალაქს არ მიუღია, მიიღო მილიონი გამხმარი ჯოხი, - ამის შესახებ „ევროპული საქართველოს“ მერობის კანდიდატმა დენდროლოგიურ პარკთან გამართულ ბრიფინგზე განაცხადა. ხოშტარიას სიტყვებს "საზოგადოებრივი" ცირიტებს. 

როგორც ხოშტარიამ განაცხადა, გამწვანების ღონისძიებისთვის 100 ათასობით ლარი არამიზნობრივად დაიხარჯა და გაიფლანგა.

მისი ინფორმაციით, მხოლოდ დენდროლოგიურ პარკში ოფიციალური დოკუმენტების თანახმად, 315 ათასი ნერგი დაირგო, თუმცა, აქედან 269 ათასი არ იძებნება, დარჩენილი ნეგების ნაწილი კი, მისი მტკიცებით, არასათანადო პირობებისა და მოვლის გამო გახმა.

„25 სანტიმეტრის სიმაღლის სტარტერებს როდესაც რგავენ და ამას ეძახიან ხეს, მით უმეტეს, მოვლის პირობები არ არის, ეს არის უბრალოდ გადაყრილი ფული, ამიტომ ძალიან კარგად უნდა იყოს გამოკვლეული, სად მიდის ეს თანხა და რატომ გვატყუებს მერია“, - განაცხადა ხოშტარიამ საზოგდოებრივთან საუბრისას.