-
2017-04-20 14:23
ფრაქცია - "საქართველოს პატრიოტების" წევრი ადა მარშანია მიიჩნევს, რომ დეპუტატების ქცევის კოდექსის მიღება საჭირო არ არის.
ჟურნალისტებთან საუბარში ადა მარშანია უმცირესობის წევრ გიორგი კანდელაკსა და უმრავლესობის წევრ ვანო ზარდიაშვილს შორის მომხდარ დაპირისპირებას გამოეხმაურა და აღნიშნა, რომ თავის დროზე, "ნაციონალური მოძრაობი“ წევრები ხელისუფლებაში მოვიდნენ და პარლამენტში დასხდნენ.
"ამ დანაშაულებრივი ორგანიზაციისთვის დღევანდელ ხელისუფლებას უნდა მოევლო. ხელისუფლებას იმ ცხრა წლიან პერიოდზე პოლიტიკური შეფასება უნდა მიეცა, რაც ქვეყანაში ხდებოდა.
"ნაციონალური მოძრაობა“ პოლიტიკურ ველზე კი არ უნდა ყოფილიყო, მათი ლიდერები სისხლის სამართლის პასუხისმგებლობაში უნდა მიეცათ და ქვეყანაში ადეკვატური სიტუაციაც იქნებოდა. რაც გუშინ პარლამენტში მოხდა, ეს განმეორდება და ქცევის კოდექსის მიღება საჭირო არ არის."