სტრასბურგის ევროსასამართლოს მიერ მიღებული გადაწყვეტილების დეტალებზე საუბრისას იუსტიციის მინისტრმა თეა წულუკიანმა საგანგებო ბრიფინგზე აღნიშნა, რომ გადაწყვეტილება ერთპიროვნულად, მორიგე მოსამართლემ მიიღო.
"რუსთავი2-მა" სტრასბურგის სასამართლოსგან ითხოვა შეტანილ საჩივარზე სარჩელის უზრუნველყოფის ღონისძიება, რომელსაც სტრასბურგი დროებით ღონისძიებას უწოდებს და მოითხოვა:
"აიკრძალოს 2 მარტის გადაწვეტილების აღსრულება, ვიდრე სტრასბურგი არ განიხილავს არსებითად ამ სარჩელს, აეკრძალოს ხელისუფლებას დახუროს ან გაადვილოს რუსთავი2-ის დახურვა და მესამე რომ აეკრძალოს ხელისფლებას მენეჯმენტის ან ბორდის შეცლა ამ კომპანიაში.
ამასთან, სასამართლომ ამ საქმეს მიანიჭა პრიორიტეტი, რაც იმას ნიშნავს, რომ საქართველოდან გაგზავნილ სხვა საქმეებზე ადრე ევროსასამართლო სწორედ ამ საქმეს განიხილავს", - აღნიშნა თეა წულუკიანმა.