"მე არასდროს არ მიმიღია ერთპიროვნული გადაწყვეტილებები, ბევრჯერ შეუბრუნებიათ ჩემთვის სიტყვა, უჩხუბიათ, ხანდახან უსიამოვნო სიტყვებიც უთქვამთ და ეს ყველამ იცის, ვისთანაც მიმუშავია. მე არ მითქვამს არასდროს, რომ მე ვარ პარტია და ხუთი-ექვსი პირი რა
მიხეილ სააკაშვილი ენმ-ს ლიდერშიპს მოახლოებულ ყრილობასთან დაკავშირებითაც აძლევს რჩევებს: "ჩაატარონ ყრილობა 5, 6, 10 ათასი ადამიანის მონაწილეობით და ჩაატარონ კენჭისყრა, აირჩიონ. თუ მათ აირჩევენ, ისინი აირჩიონ, თუ სხვებს აირჩევენ, სხვები აირჩიონ. ამ ყველა თემაზე უნდა იყოს ღია დისკუსია. ბევრჯერ იყო პარტიაში სხვადასხვა სახით არჩევნები, მაგრამ მე არ ჩავრეულვარ არასდროს არცერთ მხარეს, რადგან ერთიანობა ჩემთვის ყოველთვის მთავარი იყო", - ამბობს საქართველოს მესამე პრეზიდენტი.
"პარტია არის 30-40 ათასი თავგადაკლული საქართველოს პატრიოტი. მათ გადაწყვეტილებას უსიტყვოდ ვცემ პატივს და სამი-ოთხი თვითგამოცხადებული პირის გადაწყვეტილება, ჩვენ ვართ პარტიაო... მე არ მითქვამს არასდროს, მე ვარ პარტია-მეთქი და მით უმეტეს, ახლა არ ვამბობ, რადგან მთელი რიგი მიზეზების გამო აქტიურად ვერ ვარ ჩართული. მათ რა უფლება აქვთ, რომ პარტიად აცხადებენ თავიანთ თავს? ეს რომელ ჩარჩოებში ჯდება? მოიწვიონ უზარმაზარი ყრილობა, დავეხმარები ორგანიზებაში და ააწევინონ მანდატები ხალხს", - თქვა "არჩევანთან" ინტერვიუში მიხეილ სააკაშვილმა.
