2016-08-19 17:09

ერთიანი ნაციონალური მოძრაობა აცხადებს, რომ სიღნაღის საარჩევნო ოლქის კომისიის იმ წევრთა ვინაობა, რომლებიც დღეს უნდა აირჩიონ, მათთვის წინასწარ უკვე ცნობილია. ენმ მათ გავარებსაც ასახელებს. 

„სიღნაღის რაიონში დღეს საოლქოს წევრებს ირჩევენ, თუმცა პროცედურა ფასადურია, რადგან კანდიდატურები წინასწარაა შერჩეული. თანდართულ ფოტოში მონიშნულები არიან სწორედ ის ადამიანები, რომლებიც დღეს, 17:00 საათზე, სიღნაღის რაიონის საოლქოს წევრებად უნდა "აირჩიონ“, - ნათქვამია პარტიის მიერ გავრცელებულ განცხადებაში.

ნაციონალური მოძრაობის ინფორმაციით, საოლქო კომისიის წევრებს შორის არიან: ნელი ფოლადაშვილი, ოლღა ოქრუაშვილი, ლალი სპანდერაშვილი, მალხაზ ბარნაბიშვილი, ნელი შალვაშვილი, ნანა ივანიძე, ვანო აბრამიშვილი, ლაურა ღვინიაშვილი, ლაშა მაზიაშვილი, მარინა ჩახვაშვილი, ნოდარ მჭედლიშვილი, ნოდარ კანჭურიშვილი და ნანა მოსაშვილი.