2016-07-31 20:27

დღეს, ახალი პოლიტიკური ცენტრი - "გირჩის" აღმასრულებელი მდივანი - გოგი მელაძე, გირჩის საბურთალოს რაიონის ორგანიზაციის ხელმძღვანელ - ტატო ჯანაშიასთან და ახალი პოლიტიკური ცენტრის წარმომადგენლებთან ერთად, საბურთალოს რაიონში, დიდი დიღმის მოსახლეობას შეხვდა. 

"საბურთალოს რაიონის მოსახლეობასთან შეხვედრისას მოვისმინეთ ის პრობლემები, რაც მოსახლეობას აწუხებს. მოსახლეობის მხრიდან ძალიან დიდი დაინტერესებაა "გირჩის" სოციალურ ეკონომიკური პროგრამის მიმართ.

რამდენიმე კვირაა რაც დიდ დიღომში - პეტრიწის #2 ში, გაიხსნა გირჩის ოფისი და მიუხედავად ამისა მოსახლეობა უკვე აქტიურად დადის ჩვენთან, გვიზიარებენ პრობლემებს, იდეებს, რაც ცხადჰყოფს მათი მხრიდანაც ჩვენთან თანამშრომლობის სურვილს.

"გირჩის" ოფისი, ღიაა ნებისმიერი მოქალაქისთვის და ჩვენ მზად ვართ მოვუსმინოთ თითოეულ მოქალაქეს, დიდი დიღმის თითოეულ მაცხოვრებელს. განაცხადა "გირჩის" აღმასრულებელმა მდივანმა - გოგი მელაძემ.