2015-12-29 00:21

ოდესის გუბერნატორმა მიხეილ სააკაშვილმა განაცხადა, რომ აღნიშნულ პოსტზე თავისი მოღვაწეობით სურს გააკეთოს ყველაფერი იმისათვის, რომ პოროშენკოს მოღვაწეობის პერიოდი წარმატებული იყოს. 

"პრეზიდენტ პოროშენკოს იმის მიხედვით კი არ შეაფასებენ, მისი რომელი კონკურენტი გაქრა ან რომელი პოლიტიკური ჯგუფები წავიდნენ წინ. მას შეაფასებენ იმ კრიტერიუმის მიხედვით, წავიდა, თუ არა უკრაინა წინ", - თქვა სააკაშვილმა.

ოდესის გუბერნატორმა აღნიშნა, რომ ქვეყნის წარმატებისათვის თითოეულმა უკრაინელმა უნდა იბრძოლოს.

"ჩემთვის ძალიან მნიშვნელოვანია, რომ პოროშენკოს პრეზიდენტობა წარმატებული გავხადო. ეს იქნება მთელი უკრაინის წარმატება. ძალზედ მნიშვნელოვანია, რომ თვითონ პრეზიდენტს სურდეს ეს. დარწმუნებული ვარ, რომ მას ეს უნდა. მთავარია, ეს გამოუვიდეს", - დაამატა მან. 

მან აგრეთვე აღნიშნა პოროშენკოს უნარი, რომ მიიღოს სწორი საკადრო გადაწყვეტილებები. თან დააზუსტა, რომ პოროშენკოს თვლის უკრაინის ძველი პოლიტიკური ელიტის ერთ-ერთ ნიჭიერ წარმომადგენლად.