2015-12-24 23:58

ხვალ გიორგი კვირიკაშვილს უმრავლესობაში მოიყვანს პრემიერმინისტრობის მოვალეობის შემსრულებელი ირაკლი ღარიბაშვილი და პარლამენტს წარუდგენს, - ამის შესახებ გადაცემა "არგუმენტების დროში" საპარლამენტო უმრავლესობის ლიდერმა გიორგი ვოლსკიმ განაცხადა.

"დღეს, ვიმსჯელეთ უმრავლესობის წარმომადგენლებმა, ფრაქციის წარმომადგენლებმა, რომელსაც ესწრებოდა პარლამენტის თავმჯდომარე, კარგა ხანს გვქონდა ბჭობა კანდიდატებთან დაკავშირებით, და ჩვენი აზრი მოვახსნეთ ირაკლი ღარიბაშვილს. გვქონდა თუ არა ლაპარაკი ბიძინა ივანიშვილთან? დიახ გვქონდა ამასთან დაკავშირებით. პრემიერმინისტრობის  4 კანდიდატზე იყო ლაპარაკი და ერთ კანდიდატზე ჩამოვყალიბდით. გიორგი კვირიკაშვილზე შევთანხმდით", - განაცხადა გიორგი ვოლსკიმ.