2015-12-23 01:18

საქართველოს მესამე პრეზიდენტი, ოდესის საოლქო ადმინისტრაციის ხელმძღვანელი მიხეილ სააკაშვილი დარწმუნებულია, რომ 23 დეკემბერს კიევში დაგეგმილი ანტიკორუფციული ფორუმის შემდეგ სამართალდამცველები დაინტერესდებიან იქ გახმიანებული მასალებით.  

მიხეილ სააკაშვილის თქმით, ანტიკორუფციული ფორუმი იქნება სასტარტო პისტოლეტის გასროლის მსგავსი, რის შემდეგაც საზოგადოება გააქტიურდება და სათავე დაედება ახალ საზოგადოებრივ აქტიურობას.

ამავე დროს, მიხეილ სააკაშვილმა განაცხადა, რომ პრეზიდენტ პოროშენკოსთან მას მეგობრული ურთიერთობა აქვს და ანტიკორუფციულ საკითხებს მასთან ერთად ხშირად განიხილავს: "მან დღესაც დამირეკა და პოლონეთში ვიზიტის შედეგებით დაინტერესდა. ჩვენ მეგობრული ურთიერთობები გვაქვს", - ასე უპასუხა სააკაშვილმა შეკითხვას იმის შესახებ, არის თუ არა მისი მოქმედებები შეთანხმებული უკრაინის პრეზიდენტთან.

ოდესის გუბერნატორმა უარყო გავრცელებული ხმები იმის შესახებ, თითქოს ის უკრაინაში პოლიტიკური პარტიის ან ორგანიზაციის შექმნას აპირებს: "ეს ასე არ არის. აქ (ანტიკორუფციულ ფორუმზე) უამრავი ადამიანი სხვადასხვა პოლიტიკური პარტიიდან. ჩვენ არ ვიქნებით მართლები, იდენტურობა წავართვათ მათ, ამიტომ არანაირი პარტიის ან ორგანიზაციის შექმნას, ჯერჯერობით, არ ვაპირებ", - თქვა მიხეილ სააკაშვილმა.