2015-11-27 09:38

ლატვიის საგარეო საქმეთა მინისტრი მიიჩნევს, რომ ალიანსის ყველა წევრი არ იქნება თანახმა, 2-3 წელიწადში საქართველო ნატოს წევრი გახდეს. ედგარს რინკევიჩის თქმით, ამისთვის დროა საჭირო და საქართველომ როგორც თავდაცვისუნარიანობა უნდა აიმაღლოს, ასევე პოლიტიკური რეფორმები უნდა გაატაროს.

"ჩვენ ყოველთვის ვიცავთ NATO -ს გაფართოების პოლიტიკას. თუ ქვეყანა აკმაყოფილებს ყველა კრიტერიუმს და თუ ეს შედის NATO -ს ინტერესებში, ქვეყანა ხდება NATO -ს წევრი. ჩვენ ასევე ყოველთვის ვამბობთ, რომ არ უნდა იყოს ქვეყნები NATO -ს გარეთ, რომლებსაც ექნებათ ვეტოს უფლება, მაგრამ თქვენ უნდა იცოდეთ, რომ ჩრდილოატლანტიკური ალიანსის ყველა წევრი არ იქნება თანახმა, თუ შევთავაზებთ, რომ საქართველო გახდება ნატო-ს წევრი 1, 2 ან 3 წელიწადში.

ამ საკითხზე ჩვენ ამ დრომდე არ გვაქვს მიღწეული კონსენსუსი, მაგრამ ისიც უნდა გვესმოდეს, რომ საქართველოს კიდევ ძალიან ბევრი რამაქვს გასაკეთებელი. ეს არის როგორც თავდაცვისუნარიანობის განვითარება, ასევე პოლიტიკური რეფორმები, მაგრამ მე მჯერა, რომ ჩვენ არ შეგვიძლია დავხუროთ კარი არავისთვის, მათ შორის, არც საქართველოსთვის, თუმცა ამას გარკვეული დრო დასჭირდება", - განაცხადა რინკევიჩსმა.