2015-11-19 07:41

ISIS-მა 18 ნოემბერს, ღამით გაავრცელა ახალი ვიდეო, სადაც მორიგი ტერაქტის ადგილად ნიუ-იორკის ტაიმზ სქვერია მონიშნული. ნიუ-იორკის მერმა განაცხადა, რომ იცის ამ მუქარის შესახებ და გამოძიების ფედერალურ ბიუროსთან ერთად ყველაფერს აკეთებს სიტუაციის გასაკონტროლებლად. 

„აფხაზეთის ხმა“ არ აქვეყნებს „ისლამური სახელმწიფოს“ პროპაგანდისტული ხასიათის ვიდეოს. მისი აღწერის მიხედვით, ის პარიზის ტერაქტების შემდეგაა ჩაწერილი და ახალთან ერთად, ადრინდელი მუქარის კადრებიცაა გამოქვეყნებული - ტერორისტები ნიუ-იორკში ტერაქტებით ჯერ კიდევ ზაფხულში იმუქრებოდნენ.

„რაც მოხდა, არაფრად გამოჩნდება იმასთან შედარებით, რაც მოხდება“ - ამ ტიტრის ფონზე ჩანს ბოევიკი, რომელიც „შაჰიდის ქამარს“ იკეთებს, ხოლო ფონად მოჩანს ნიუ-იორკის ხედები და ყვითელი ტაქსების გადაადგილება.