2015-10-02 00:18

„ლეიბორისტული პარტიის“ ლიდერის შალვა ნათელაშვილის განცხადებით, ყველა ოლიგარქის ზეობის ფინალური ეტაპი დგება მაშინ, როცა ის იწყებს მას-მედიის დევნას და დღეს ივანიშვილი სწორედ ამ ფაზაშია.

შალვა ნათელაშვილმა კომენტარი გააკეთა კახა კალაძის განცხადებაზე იმასთან დაკავშირებით, თითქოს 1 ოქტომბერი ოქროს ასოებით ჩაიწერება საქართველოს უახლეს ისტორიაში:

„კალაძემ შეაჯამა 3 წლის შედეგები და თქვა, რომ 2012 წლის 1 ოქტომბერი ოქროს ასოებით ჩაიწერება საქართველოს უახლეს ისტორიაში. რომელი ოქროს ასოებით ჩაიწერება, ბატონებო? ივანიშვილმა რომ ააფეთქა საყდრისი, იქედან მიღებულ ოქროებს გადაადნობთ და იმით ჩაწერთ? არა, ბატონებო, თქვენი სახელი შავი ასოებით ჩაიწერება საქართველოს ისტორიაში და მივმართავ ხელისუფლებას, შეეშვან მედიის, „რუსთავი-2“-ის დევნას, თორემ, წინააღმდეგ შემთხვევაში, მიიღებენ რევოლუციას“.