2015-09-18 18:43

დედაქალაქის ყოფილი მერი გიგი უგულავა დარწმუნებულია, რომ დღეს მოსამართლე მის გამამტყუნებელ განაჩენს გამოიტანს და ე.წ. მატროსოვზე დაბრუნება მოუწევს, რადგან ამ სასამართლოს მიზანი არა სიმართლის დადგენა, არამედ მისი ციხეში დაბრუნებაა.

„როდესაც შენი მოსმენა არ უნდათ და როდესაც ეჩქარება ადამიანს, არ უნდა დაღალო. მოსამართლემ იცის უკვე რაც უნდა ქნას, მას ჩამოუყალიბეს პოზიცია. მიზანი სიმართლის დადგენა არ არის, აქ არის მიზანი ის, რომ წავიდე და ციხეში დავჯდე. თუ გინდათ ფსონები ჩამოდით, მოვიგებ და ასე გამარჯვებული წავალ მატროსოვზე“, - აღნიშნა გიგი უგულავამ ტვ "იმედის" პირდაპირ ეთერში.