2015-09-14 08:27

უკრაინის პრეზიდენტი პეტრო პოროშენკო მიხეილ სააკაშვილს საქართველოს პრემიერმინისტრობას უწინასწარმეტყველებს, მაშინ როცა უკრაინელები მის დანიშვნას პრემიერად სწორედ უკრაინაში ითხოვენ. ამის შესახებ პოლიტოლოგი ვლადიმირ კორნილოვი წერს.

ბრიტანულ The Independent-თან პეტრო პოროშენკოს ინტერვიუს ანონსის აღწერისას კორნილოვი წერს, რომ უკრაინის პრეზიდენტის თქმით, სააკაშვილი კარგი პრემიერი იქნება საქართველოში:

"პეტრო პოროშენკომ განაცხადა, რომ სააკაშვილი კარგი პრემიერი იქნება საქართველოში. ვერ გავიგე, მიხოს აღარა აქვს უკრაინის მოქალაქეობა? ეს განცხადება The Independent-ში ორშაბათს გამოქვეყნდება", - წერს კორნილოვი. 

შეგახსენებთ, უკრაინის პრეზიდენტის ოფიციალურ ვებგვერდზე 25.000-ზე მეტმა მოქალაქემ მოაწერა ხელი პეტიციას, სადაც ქვეყნის პრემიერმინისტრად მიხეილ სააკაშვილის დანიშვნას ითხოვენ. სწორედ 25.000 ან მეტი ხელმოწერაა საჭირო იმისთვის, რომ უკრაინის პრეზიდენტმა პეტიცია განიხილოს.