2015-03-20 10:47

"პატრიოტთა ალიანსის" ერთერთი ლიდერი ირმა ინაშვილი სოციალურ ქსელ "ფეისბუქში" უარყოფს გავრცელებულ ინფორმაციას იმის თაობაზე, რომ ალიანსი 21 მარტს კონტრაქციას გეგმავს და აცხადებს, რომ "ნაცების შეკრებას ალიანსი დიდ მნიშვნელობას არ ანიჭებს".

ამის მიუხედავად, როგორც ჩანს, კონტრაქციები მაინც ჩატარდება. რამდენიმე არასამთავრობო ორგანიზაციის განცხადებით, ისინი სამების საკათედრო ტაძრის ეზოში შეიკრიბებიან, არის მეორე ანონსიც - აქცია "საზოგადოებრივ მაუწყებელთან".

შსს-ში აცხადებენ, რომ კონტრაქციისა და "ნაციონალური მოძრაობის" წევრებს ერთმანეთთან მიახლოების საშუალება არ ექნებათ. უწყება "ნაციონალურ მოძრაობას" მაქსიმალურ კომფორტს პირდება. გავრცელებული ხმები იმის შესახებ, რომ შსს-სა და თავდაცვის სამინისტროს ნაწილები საგანგებო მზადყოფნის რეჟიმში იმყოფებიან, სინამდვილეს არ შეესაბამება: 21 მარტის აქციის დაშლა დაგეგმილი არ არის.