
ჩუღურეთის რაიონის გამგებელი დავით დაღელაშვილი განაგრძობს ყოველდღიურ რეჟიმში მოქალაქეებთან შეხვედრას. დღეს გამგებელმა კიდევ 20 მოქალაქე მიიღო.
დღევანდელ შეხვედრაზე მოქალაქეებმა გამგეობას კვლავ ისეთი პრობლემების მოგვარების თხოვნით მომართეს როგორიცაა ავარიული სახლების გამაგრება, გაზიფიცირებისთვის საჭირო საპროექტო-სამონტაჟო სამუშაოების საფასურის ანაზღაურება, საცხოვრებელი ბინის ქირის საფასურის ანაზღაურება, ასევე მკურნალობის და მედიკამენტების საფასურით დაფინანსება.
გამგებელმა ჩვეული გულისხმიერებით განიხილა თითოეული მათგანის პრობლემა და შესაძლებლობის ფარგლებში დახმარებას დაჰპირდა.
10 მოქალაქეზე გაიცა საგარანტიო წერილი: 3 მოქალაქეს გაეწია შუამდგომლობა ოპერაციის დაფინანსებაზე, 7 მოქალაქეს დაუფინანსდა გაზიფიცირებისთვის საჭირო საპროექტო-სამონტაჟო სამუშაოების საფასური.