2014-05-01 15:08

უმცირესობების დაცვა უმნიშვნელოვანესი ღირებულებაა ნატო-ს მოკავშირე ყველა ქვეყნისთვის,– ამის შესახებ  ნატო-ს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში, ჯეიმს აპატურაიმ საგარეო საქმეთა სამინისტროში, მაია ფანჯიკიძესთან შეხვედრის შემდეგ ერთობლივ პრესკონფერენციაზე განაცხადა.

ანტიდისკრიმინაციულ კანონთან დაკავშირებით მიმდინარე მოვლენებთან დაკავშირებით მან აღნიშნა, რომ  ნატოს პოზიცია ამ საკითხთან დაკავშირებით ალიანსის გენერალურმა მდივანმა უკვე დააფიქსირა:

 
"ამ მიმართულებას ორი პოზიცია აქვს, საქართველო იღებს ისეთ კანონებს, რომელიც პატივს სცემს ქვეყნის საზოგადოების მოთხოვნებს და საქართველოს იურიდიულ ჩარჩოებს. ჩვენ არსად არ გვინდა ჩავერიოთ, ნატო-ს წევრ ქვეყნებშიც კი არ ვერევით ასეთ საკითხებში, მაგრამ აბსოლუტურად რელევანტურია, რომ უმცირესობების დაცვა აუცილებელ უმნიშვნელოვანეს ღირებულებას წარმოადგენს ნატო-ს მოკავშირე ყველა ქვეყნისთვის.

 უმცირესობა დაცული უნდა იყოს როგორი უმცირესობაც არ უნდა იყოს ეს, ნაკლებად პოპულარული თუ მეტად პოპულარული. ეს ის ღირებულებაა, რომელსაც ძალიან მაღალ დონეზე ვაყენებთ. ზოგადად, ნატო-ს და მის მოკავშირეებს სურთ დაინახონ, რომ ნაბიჯები გადადგმულია უმცირესობის დასაცავად იმ ქვეყნებში, რომელიც ალიანსის წევრობისკენ მიისწრაფვის", - განაცხადა ჯეიმს აპატურაიმ.