2014-05-01 07:01

ბიძინა ივანიშვილის მიერ დაფუძნებული არასამთავრობო ორგანიზაცია „მოქალაქის“ წარმომადგენელთა განცხადებით, ორგანიზაცია უპრეცენდენტო პროექტს - საქართველოში მედიაგარემოს შესწავლას იწყებს.

როგორც პრესკონფერენციაზე ფონდ "ქართუს" გამგეობის თავმჯდომარემ და ამავდროულად, ბიძინა ივანიშვილის მიერ დაფუძნებული არასამთავრობო ორგანიზაციის "მოქალაქის" აღმასრულებელმა დირექტორმა, ნიკოლოზ ჩხეტიანმა განაცხადა, ეს პროექტი დაქოქვის სტადიაშია.

მისი თქმით, ეს პროექტი უპრეცედენტოა, რადგან როგორც წესი, მედიაგარემოს შესწავლა ხდება მხოლოდ წინასაარჩევნოდ, „მოქალაქე“ კი მას პერმანენტულად ჩაატარებს:

"პროექტი გაწერილია დროში და არანაირად არ არის მიბმული არჩევნებზე. ჩვენ გვქონდა მოლაპარაკება რამდენიმე წამყვან მსოფლიო ორგანიზაციასთან და ამ მოლაპარაკების შედეგად შევარჩიეთ უმძლავრესი კვლევითი ორგანიზაცია, მსოფლიო დონის კორპორაცია "თი-ენ-ესი", რომელიც 80-ზე მეტ ქვეყანაში ახორციელებს საქმიანობას“, - აცხადებენ „მოქალაქის“ თავკაცები.